آمال ماهر عن حب جمهورها"هعوز ايه أكثر من كده"

كشفت الفنانة الكبيرة،  آمال ماهر، عبر   إذاعة “نجوم إف إم”، عن رأيها في الألقاب التي يُطلقها الجمهور على الفنانين، خاصة لقب “صوت مصر”.

وقالت ماهر: “ أنا مش بحب أتكلم في موضوع صوت مصر، لأن ممكن أكون رقم واحد عند شخص، وشخص تاني ولا حاجة، فبأي حق أقول إني رقم 1؟ الناس هي اللي بتقيم وتحطنا في المكان اللي عايزين يحطونا فيه”.

أوضحت، من خلال اللقاء،  أنها فخورة باسمها أكثر من أي لقب: “أنا بحب اسمي جدًا، والحمد لله إن الناس حباه وعارفاه، ودي حاجة بتشرفني”.

تابعت: “الناس لما بتديني لقب، ده بيكون مراية ليا، بيوريني قد إيه بيحبوني، بس الأهم عندي لما بسمع اسمي.. (آمال ماهر) ده أكبر من أي لقب”.

اختتمت آمال ماهر في حديثها، علّقت على لقب “أميرة القلوب”، الذي أطلقه عليها بعض جمهورها، قائلة: “ هو أنا هعوز إيه أكتر من كده”.