هاني شنودة: مفيش مقارنة بين عمرو دياب وتامر حسني

عبر الموسيقار هاني شنودة خلال مداخلة تلفزيونية مع الإعلامي محمود الجلفي في برنامج "بنظرة تانية" الذي يُعرض على قناة الشمس، عن رأيه في المقارنة بين النجمين عمرو دياب وتامر حسني خلال موسم الصيف الجاري.

وقال هاني شهودة: "مفيش مقارنة بين عمرو دياب وتامر حسني كل واحد في مكانه، بس عمرو حاجة تانية خالص".

وأضاف: "برافو عليك يا عمرو، برافو عليك تاني، كتير من أعمالك هتفضل موجودة بعد ما كلنا نمشي، ربنا يديك الصحة وإبداعك مش هيخلص".

كما أشاد"شنودة" بمهرجان العلمين قائلاً: "مهرجان العلمين في منتهى الجمال، إحنا كفرقة مصرية عملنا حفلة هناك وإن شاء الله نعمل حفلة تانية".

وتابع: "قابلنا جمهور محترم جداً والإدارة كانت حكيمة ومنضبطة، والأهم إن الناس كانت فاهمة هي جاية ليه وده بيفرق جداً".

واختتم حديثه بالتعليق على مشاركة ابنة عمرو دياب في إحدى أغانيه: "عمرو دياب عمل حاجة كانت لازم تتعمل، وهي إنه خلى بنته تغني معاه، وفكرة إن البنت تغني مع أبوها دي بتخلق رابط وإحساس ماكناش متوقعينه وده شيء جميل ومؤثر جداً".