مصطفى كامل: تفاجأة بتصريحات جديدة من راغب علامة أعاد فيها إشعال الأزمة

حكى الفنان مصطفى كامل خلال لقائه في برنامج "كلام الناس" مع الإعلامية ياسمين عز المذاع عبر قناة "MBC مصر"، عن أزمة إيقاف النجم راغب علامة بسبب حفله بالساحل الشمالي. 

وقال مصطفى كامل: "النقابة أجمعت على وقوع خطأ جسيم وكبير من جانب راغب علامة، وهو كلمني بعد القرار بـ3 دقائق واعتذر، أنا قولت له واضح أن ده شكل أنت واخده لنفسك وكل واحد حر، لكن النقابة صاحبة حق".

وأضاف: "النقابة لمت كل الخيوط اللي بتقول إن الخطأ اللي حصل خطأ كبير وجسيم، لما شوفنا الواقعة بشكلها الحقيقي، مش بالشكل اللي عاملينه القبيضة على السوشيال ميديا، إحنا شوفنا فيديوهات راغب علامة كلها في الحفلة، الموضوع مش بوسة زي ما الأفاقين والقبيضة بيروجوا، الشكل بتاع تلخيص الموضوع في قبلة، هي في الذقن ولا الفم ولا الأذن لأ، مش هو ده الموضوع، لما نتفرج نلاقي دي طالعة ودي نازلة ودي بتتاخد من الإيد ودي بتتاخد من الوسط، الموضوع كان كبير في شكل فج".

وأكد مصطفى كامل أنه كان يوجد اتفاق جمعه براغب علامة ولكنه لم يلتزم به: "بعد المكالمة اتفقا على طي الخلاف، واتفاجأة بتصريحات جديدة من راغب أعاد فيها إشعال الأزمة، ولما تتكلم كده بعد الاتفاق، يبقى إنت مش شايفني".

واختتم حديثه عن بيان النقابة الذي صدر بخصوص منع راغب من الغناء: "الانتقادات إللي حصلت على بيان النقابة دي حملات مأجورة مدفوعة الأجر، والتريند هو الغاية مش الموضوع".