تامر حسني يهاجم عمرو دياب: "ليه فنان كبير يقلل من نجاحي؟"

أثار الفنان تامر حسني جدلًا واسعًا على مواقع التواصل الاجتماعي بعد نشره رسالة نارية عبر حسابه الرسمي على منصة إنستجرام، أعرب فيها عن استيائه من تصرفات أحد الفنانين الكبار، الذي حاول التقليل من نجاح ألبومه الجديد "لينا معاد"، حسب وصفه. 

وقال تامر في رسالته: "غريبة إن فنان كبير، أنا بحبه وبحترمه، ينزل صورتي على الستوري كأني في المركز الرابع!، وهو عارف كويس إن ألبومي مش رقم 4، وإنه متصدر تريند يوتيوب بالكامل من أول يوم لطرحه." 

تامر حسني يوضح تفاصيل نجاح "لينا معاد"

 وتابع تامر حسني موضحًا: "الناس جمعتلي كل الإحصائيات اللي بتأكد تصدري، بس أنا مكنتش محتاج أنشرها. مش دي الفكرة، الفكرة إني تعبت جدًا على ألبوم (لينا معاد)، والجمهور اتكلم عنه بكل حب واحترام، وده أهم عندي من الأرقام." وأضاف: "كنت رقم 1 على مدار أسبوع كامل، والأغاني كانت متصدرة التريند، ورغم كده، احترمت الفنان ده وجمهوره، ومحطتش صورته وهو تحت مني في الترتيب، ولا نزلت أي خبر يلمح لكده."

 واختتم حسني رسالته قائلًا: "أنا احتفلت مع جمهوري باحترام من غير ما ألمّح أو أجرح حد، بس مش عارف ليه فنان كبير يعمل كده؟ مع إنه مش محتاج.. على العموم، ألف مبروك."