هدى المفتي: عمر ما في راجل جيه اتقدم أنه عايز يتجوزني

تحدثت الفنانة هدى المفتي خلال لقائها مع الإعلامية إسعاد يونس في برنامج "صاحبة السعادة"، لأول مرة عن حياتها الشخصية.

وقالت هدى المفتي: "أنا عمري ما جالي عريس، عمر في حياتي ما في راجل جيه اتقدم أنه عايز يتجوزني لا من صديق ولا من أي حاجة، بتجيلي رسايل على إنستجرام هما دول إللي اتقدمولي مفيش عريس حقيقي جالي قبل كده مش عارفة بيخافوا مني ولا إيه".

وأضافت: "وأنا صغيرة كنت عارفة أنا عايزة إيه، وعندي أحلام كتير عايزة أحققها ولا واحد منهم كان عن الجواز، لأن والدي من وإحنا صغيرين كان يقولنا أنتوا هتكبروا وتنجحوا ليه تتجوزي الست مش محتاجة تتجوز إلا لو هي عايزة تتجوز، العكس كانت مامتي كانت دايما تسألني هو مفيش حد خالص".

وتابعت هدى المفتى: "أنا كنت بحب طول الوقت كنت حبيبة أوي أنا شخص حساس وبيحب، وفي تالتة ثانوي حبيت شخص وكان حب من طرف واحد وبعدين هو اختفى فجأة وبعدين سمعت أن هو اتجوز".

وأوضحت عن الشائعات التي انتشرت عن ارتباطها: "الإشاعات إحنا بنسكت لحد ما تموت ولو في حاجة حقيقية أنا ليه مش هقولها ليه مش هقول إني اتخطبت ما أنا لو فرحانه هبقى عايزة أعلن وعندنا الجواز إشهار".

يذكر أن الفنانة هدى المفتي تشارك في بطولة فيلم "بنات فاتن" مع عدد كبير من نجوم الفن وأبرزهم يسرا وباسم سمرة.