بسمة بوسيل: أخبار رجوعي لتامر حسني إشاعات

كشفت الفنانة بسمة بوسيل، خلال لقائها مع جيهان عبد الله عبر إذاعة "نجوم FM"، عن رجوعها للفنان تامر حسني وأن وضعهما الحالي أفضل، وأيضاً عن الوعكة الصحية التي تعرض لها ابنها خلال الفترة الماضية.

وقالت بسمة بوسيل: "مفيش واحدة بتبقى عايزة أن بيتها يتهد، وفي الأول كنت زعلانه بس دلوقتي حاسة أننا أحسن وأولادنا أحسن، ساعات في حاجة بتفتكر أنها وحشة بس ربنا شايلنا الأحلى".

وأوضحت عن شائعات عودتها لتامر حسني  مجدداً: "رجوعنا إشاعات لو في حاجة هنقول بس مفيش حاجة من دي".

وأضافت عن الوعكة الصحية  التي تعرض لها ابنها آدم خلال الفترة الماضية: "الزايدة انفجرت عنده، وهي بتعمل مضاعفات لما بتنفجر بتبهدل الدنيا بالذات للأطفال عشان بيكونوا صغيرين ومعندهمش مناعة قوية".

وتابعت: "هو عمل عملية وحصل مضاعفات، المصارين بتاعته لزقت في بعض وكان لازم يتدخلوا تاني جراحياً بعدها فعمل عمليتين كبار في وقت قليل وخس أوي، بس الحمد لله أنها عدت على خير وربنا وقف جنبنا، كانت فترة صعبة وكنا شايفين سواد".

واختتمت بسمة بوسيل حديثها قائله: "بشكر كل الناس إللي وقفت جنبي، دي أكتر فترة حسيت أن الناس كانت واقفة جنبنا وبتدعيلنا بالذات أننا كنا خايفين أوي عليه وبشكر كل الناس على الدعوات وكل حاجة".