مصطفى بكري يكشف مفاجآت بشأن تنفيذ الإخوان مؤامرة صهيوينة ضد مصر.. فيديو

كشف الإعلامي مصطفى بكري، تفاصيل المؤامرة التي تحاك ضد مصر بمشاركة جماعة الإخوان الإرهابية.
وقال بكري خلال برنامج «حقائق وأسرار» على قناة صدى البلد «تصاعد الحرب العدائية ضد مصر، من حوالي أسبوعين تحدثت معكم عن مؤامرة تحاك ضد مصر والقيادة السياسية، هذا الكلام كان بناء على معلومات، أذرع الجماعة الإرهابية قالوا فين ناس بتفتعل مؤامرات لصالح الرئيس السيسي، لكن مرت أيام قليلة وبدأت ملامح المؤامرة تتكشف، شوفنا الحملات الممنهجة والأدوات التي تحركها خيوط من خلف ستار»،مردفا «ده يخلينا دايما مصحصين، إحنا مش بنخاف من حاجة، جيش ودولة قوية، مش بنخاف من حد».
وواصل بكري «طبعاً شوفتوا ألاعيب جماعة الاخوان في الخارج وبرده في الداخل، بدأت بواحد من العناصر يتسلل زي اللصوص وحط قفل على السفارة المصرية في هولندا وبعدها بدأت الكرة تتدحرج وبدأنا نشوف نفس الاشكال اللي كانت في رابعة واللي هربت للخارج بالتعاون مع عناصر التنظيم الدولي واصحابهم ويلعبوا نفس اللعبة مع عدد من سفاراتنا في الخارج وبيتقولوا بكلام خارج عن الأداب والدين، والغريب انهم في نهاية هتافاتهم كانوا بيقولوا النظام المصري اللي دبحنا في رابعة وغيره من الكلام الكاذب،  طيب يابني انت كده بتقول للناس إخوان.. وهي دي الحقيقة».
وأضاف بكري « كل الكلام ده لايهم، دول عشرات من فاقدي الأهلية، مرتزقة ومشغلانهم الحركة الصهيونية يعني مجرد شوية عملاء، لا علاقة لهم باوطان ولا اخلاق ولاقيم، شوية خونة حكموا على نفسهم من زمان وارتضوا يكونوا مجرد أدوات تحركهم أجهزة الاستخبارات الخارجية في اي وقت، ولأي قضية، وأظن تاريخهم لا يخفى على احد».
- وأردف «فاكرين لما كانوا يرفعوا شعار على القدس رايحين شهداء بالملاين، يا أخي حكموا في مصر لمدة عام ولا شوفنا ملاين ولا شوفنا شهداء ولا شوفنا حد فيهم مد إيده للقدس وأهلها»...
وتابع بكري «بالعكس انا عاوز أذكركم لما اوباما خد قرار في نوفمبر 2012 باعتبار القدس عاصمة موحدة لإسرائيل مفيش اخواني صريخ ابن يومين لا رجل ولا امرأة طلع بيان وقال عيب يا اوباما  - دي القدس فيها المسجد الأقصى، واحنا رايحين شهداء بالملايين.. كله خرس، صمت مطبق، ومحمد مرسي اللي كان رئيس جمهورية في الوقت دا مقدرش ينطق ولا يكلمه كلمة واحدة، والصمت معناه الموافقة».