ياسمين الخطيب عن سوزي الأردنية: مش هستضيف الناس دي ولا هدفع لواحدة عوطلية

أثارت الإعلامية ياسمين الخطيب خلال تقديم برنامجها "مساء الياسمين"، جدلاً واسعاً عبر مواقع التواصل الاجتماعي، بعد تصريحاتها الأخيرة حول رفضها لاستضافة صانعي المحتوى التافهين، وأبرزهم البلوجر سوزي الأردنية.

وقالت ياسمين الخطيب: "بيقولولي إنتي محدش سألك بتاخدي كام، لا اسألوني لأني باخد كتير علشان متعوب عليا بشتغل على نفسي، بشتغل فنانة تشكيلية وشاركت في معارض عالمية وبشتغل كاتبة عندي 6 كتب في الشأن السياسي والنسوي والأدبي والمذهبي والعالمي".

وأضافت: "بشتغل على الشاشة من 2013، وحضرتك تتفق أو تختلف مع آرائي براحتك، لكن نتفق إني عندي مهنة بأكل منها عيش مش فاتحة لايف وبقول كبسوا كبسوا".

واختتمت ياسمين الخطيب حديثها عن الهجوم التي تعرضت له: "إللي متعاطف مع الجماعة بتوع كبسوا وزعلان إني بقول مش هدفع لواحدة عوطلية 100 ألف جنيه، يروح يديهم فلوسه هو لكن أنا مش هستضيف الناس دي، ولا هديهم جنيه واحد، لأنهم بيشوهوا المجتمع المصري، والشباب الصغير شايف إنهم بيكسبوا فلوس من غير مجهود، وكلهم عايزين يبقوا زيهم ويفتحوا التيك توك".