نجلاء بدر تروي أصعب وداع: تركت بيت أهلي لأن الذكرى بقت وجع مش حنين

فتحت الفنانة نجلاء بدر قلبها لجمهورها، لتشارك واحدة من أصعب تجاربها الشخصية، وهي قرارها التخلي عن منزل عائلتها القديم بعد سنوات من التعلّق به، وذلك بعد بدء تطبيق قانون الإيجار القديم المنزل الذي كان يومًا مليئًا بالحياة، تحوّل في غياب الأحبة إلى مكان صامت وموحش، على حد وصفها.

 “البيت اللي كان مليان دفء.. بقى جدران باردة وساكنة”

كتبت نجلاء بدر في منشور عبر حسابها على فيسبوك:"بعد وفاة بابا وماما، فضلت أعيش في البيت لوحدي 8 سنين، ذكريات كتير بتسكن كل ركن، لكن لما اتجوزت وانتقلت لحياتي الجديدة، فضلت محتفظة بالبيت رغم كل شيء".

لكنها أضافت بصدق:"كل مرة كنت بزوره، كنت برجع بوجع أكبر. البيت ما بقاش بيت…بقى مكان مظلم، ساكن، بارد، يخوف. لا في صوت، ولا ضحكة، ولا ريحة بتحضنني. حتى الجيران راحوا، والشارع اتغير".

 “الإيجار القديم أنقذني من الحيرة”

وأوضحت نجلاء أن القانون الجديد للإيجار القديم ساعدها على اتخاذ القرار الذي كانت تؤجله:"بعد صدور القانون، حسّيت إن الوقت جه إني أسيب المكان اللي تعبني، يمكن حد غيري يبدأ فيه حياة، ويخلق ذكريات جديدة بدل اللي اتشوّهت بالصمت والتراب".

“البيت مش مكان.. الذكرى الحقيقية جوانا”

وفي ختام منشورها، وجهت رسالة مؤثرة قالت فيها:"البيت مش ملك الذكرى، والذكريات مش بتسكن في حيطان، الذكريات بتسكن جوانا، وإحنا اللي بنعيش بيها، مش الأماكن، سِب الذكرى تمشي معاك… بدل ما تفضل محبوسة في مكان فقد الحياة".