محمود سعد عن الحالة الصحية لأنغام: في تحسن مستمر وستخرج من المستشفى قريباً

 نشر الإعلامي محمود سعد عبر قناتة الرسمية على "YouTube"، فيديو طمأن فيه الجمهور على صحة النجمة أنغام، وأنها في تحسن مستمر وستخرج من المستشفى قريباً وتطمئن الجمهور بنفسها.

حيث يتواصل محمود سعد يوميا مع أنغام ونجلها عمر للاطمئنان على صحتها حتى يطمئن جمهورها عليها ويرد على الأخبار الكاذبة التي تنتشر عنها.

وقال محمود سعد خلال الفيديو: "أنغام كويسة جداً الحمد لله وبتتحسن كل يوم عن اليوم اللي قبله، عملية صعبة وكبيرة ودقيقة يمكن الدكاترة مقالوش لأنغام كل متاعب العملية بعد ما تحصل عشان متحملش الهم، لكن كلها متاعب معروفة ومتوقعة وكل الكلام اللي بيتقال عن العزل كلام لا علاقة له بالحقيقة على الإطلاق، معرفش متسرب منين".

وأضاف: "أنا بقول لكم الخبر الدقيق، المشوار مش بسيط ومش يوم ولا اتنين هياخد معاها وقت، ولو قريتوا في النت عن نوع العملية دي هتلاقوها كبيرة، هي في تحسن وتعاملها مع الحياة كل يوم أفضل، وإن شاء الله أيام ويزول كل أثر العملية وتطلع لكم وتكلمكم".

وتابع: "أرجو من زملائي الصحفيين أن دا الخبر الدقيق أن أنغام مفيش عزل زي ما بيقولوا ومحصلش، هي مش عاملة نقل أعضاء عشان تتعزل، هي استئصلت الكيس اللي على البنكرياس وجزء من البنكرياس عشان الأمر ينتهي تماما ولا يعود".

واختتم محمود سعد حديثه قائلاً: "أرجوكم لما تلاقوا كلام زي دا مكتوب، قولوا واكتبولهم أنه كلام غير صحيح عشان أنا عارف حبكم لأنغام وقلقكم عليها بحب أطمنكم".