الفنانة دانا حمدان تكشف تفاصيل تشوه وجهها بسبب حقن التجميل

كشفت الفنانة دانا حمدان عن تعرضها لتشوهات في وجهها، وذلك بعد تلقيها عرضًا من إحدى العيادات التجميلية لتحفيز الكولاجين في الوجه.

وظهرت دانا حمدان في فيديو عبر حسابها بـ إنستجرام وقالت: “عديت بأسوأ 3 أسابيع في حياتي، بسبب إني جيت أحقن حاجة على أنها مجرد سكين بوستر ومحفز لـ الوجه ومفيش فيها أي حاجة لتغير شكل وجهي، ولكن بعد الحقن مر شهر ولم أتحمل شدة الألم، موجهه لتلك العيادة رسالة: لو كان عندي تعاقدات عارفين اللي كنت هدفعه عشان مش قادرة أتحرك من الوجع ومن شكلي”.

وتابعت: “كان ممكن ردة فعلي تكون أبشع من كده بكتير، بسبب أن المقاوحة استفزتني وأنا مش عاوزة أتألم وأخد أدوية وأنتوا كـ عيادة اتفقتوا معايا على حاجة وتخلوني أعدي بالتجربة دي من الألم ازاي؟”.

وأضافت: “بصحى كل يوم وشكلي مش عاجبني، عاوزه شكلي الأولاني بخدودي الواقعة.. ولما كشفت بعد ذلك الألم الدكتور قالي كملي على الأدوية والدنيا هتعدي ولكن الأغلاط بالحاجات دي كترت ونقابة الأطباء محتاجة تراجع العيادات وهل دول فعلًا دكاترة؟.. ولا ناس عادية ولو هاخد إجراء قانوني فده من حقي، وعمري ما بطلع عالسوشيال ميديا غير عشان أقول حاجة حلوة، ومقدرش مقولش اللي حصل معايا”.

واختتمت دانا حديثها: “المكابرة شيء مش مقبول وكلمة سوري أكتر شيء مستفز، ومش معلش وأنا قولت اللي يرضيني وربنا بيحبني وعارف اني إنسانة، عشان كده أنقذني ولسه وشي واجعني من البلازما اللي عملوهالي، وبقى عندي صداع في دماغي وعمري ماهحط حاجة في وشي تاني لأن ده رعب”.