داليا البحيري تكشف تفاصيل نجاتها من الموت المحقق في الساحل الشمالي

أثارت الفنانة داليا البحيري جدلًا بين الجمهور حول حالتها الصحية بعد إعلانها قبل أيام عن تعرضها لحادث سير ونجاتها من الموت بأعجوبة، إضافة الى كشفها عن مرورها بعدد من الأزمات الصحية منذ بداية العام الحالي.

ونشرت داليا، عبر حسابها الخاص على "إنستجرام"، صورة جديدة لها وجهت من خلالها رسالة لجمهورها عبرت فيها عن امتنانها لنعمة الصحة.

وكتبت داليا قائلة: "الحمد الله حمدًا كثيرًا طيبًا مباركًا فيه، الصحة نعمة كبيرة مابيحسش بيها إلا اللي بيفقدها ولو لوقت قصير، ربنا يديم عليكم الستر والصحة وراحة البال".

وتلقت داليا تعليقات كثيرة من متابعيها تطمئن فيها على حالتها الصحية بعد الحادث الذي تعرضت له.
 

داليا البحيري تنجو من موت محقق

كانت داليا البحيري قد كشفت عن نجاتها من موت محقق بعد تعرضها لحادث سير في الساحل الشمالي، حيث نشرت عبر حسابها الخاص على "إنستجرام" صورة لسيارتها وقد تحطم الإطار الأمامي للسيارة بشكل كامل، كاد يؤدي إلى انقلاب السيارة، وكشفت خلال التعليق على الصورة عن الأزمات التي مرت عليها هذا العام والتي كان آخرها حادث السير.

وعلقت داليا على الصورة في منشور طويل قالت فيه: "الحمد لله على كل شيء طبعا، لأننا لازم نحمد ربنا على كل حاجة وفي كل وقت، اللي يعرفوني كويس هيعرفوا إني من محبي شهر الصيف جدًا، بحب البحر والشمس والسمار ولمة العيلة وكل حاجة في الصيف جميلة حتى فاكهته، بس الحقيقة السنة دي كانت من أسوأ الصيفيات اللي عدت عليا في الساحل، يتخللها بعض اللمحات الجميلة مع العيلة وبعض الأيام الطيبة، للأسف كنت مضغوطة جدًا، كنت بعزل من بيت لبيت، ودي كانت حاجة مفاجأة مش مترتب لها عشان كده كنت مشدودة".
 

داليا البحيري: فقدت المناعة وظللت ثلاثة أسابيع مريضة

تابعت داليا: "مناعتي وقعت وبقالي 3 أسابيع عيانة جدًا، جالي دور برد أو كورونا أو زي ما تحبوا تسموه، ولما ابتديت أخف شوية، حسن جوزي اتعدى وتعب جدًا! أكتر مني بكتير، لدرجة إننا اضطرينا نروح مستشفى! وقعدنا ٤ ساعات هناك في الديب فريزر! تكييف عالي جدًا جدًا لدرجة إننا كنا موجوعين من البرد".

وأضافت: "رجعنا من المستشفى وبعد أقل من ساعة، كانت حرارتي طلعت تاني ورقدت، ومن يومها وأنا مش بتحسن، ويكتمل السيزون برجوعي سايقة من الساحل وأنا تعبانة، لأني كان عندي ارتباط مهم في القاهرة، والكاوتش بتاع عربيتي يتفرتك ويطلع دخان! بحمد ربنا إنه كان عند دخلة البوابات وماكنتش ماشية بسرعة. ده ستر ربنا الجميل. باختصار، كان صيف مشحون جدًا، بس برضو هافضل أحب الصيف وأفضله، دعواتكم بقى إني أخف لأني استويت".

وتابعت: "كمان كان لازم أشكر رجال المرور اللي كلهم شهامة وساعدوني وركبولي الاستبن. آه نعم، كانوا عايزين يمشّوني بسرعة عشان فيه تشريفة سيادة الوزير معدية، بس برضو جدعان".