الهواري:"غادة أم أولادي ومش لازم الطلاق يبقي فضيحه"

قال المخرج مجدي الهواري، عن حقيقة تصريحه السابق بأن زوجته الجديدة يجب أن تتقبل حبه لغادة عادل، وأوضح الهواري: "الفيديو ساعتها انتشر بمنظور لا تقربوا الصلاة، وقلت إن مراتي تحب غادة عادل أم أولادى، ومراتي كانت متجوزة، ولو أنا مش متقبل إنها تكلم جوزها السابق في شؤون ابنتها يبقى أنا راجل مش موزون وطبيعي، اخترت واحدة موزونة كفاية أنها تتقبل أننا ممكن نتكلم مع بعض بخصوص أولادنا".

وأضاف الهواري، خلال حواره ببرنامج "حبر سري"، مع الإعلامية اسما إبراهيم، المذاع على قناتي cbc والقاهرة والناس، أن غادة عادل: "هي أم أولادي ودي حاجة منقدرش ننساها، وأنا اخترت كويس وهما فاهمين بعض كويس، والمقصود، إنها تتقبل حبي وتقدر مودتي لأم أولادي، ومراتي تشجعني على الود والتقرب من أولادي".

ووجه مجدي رسالة: "مش لازم الواحد لما يطلق تبقى فضيحة ومشاكل، وأحنا شخصيات عامة والناس كلها عارفة أخبارنا والحقيقة مفيش حاجة"، مشيرا إلى أنه خلال أول يوم رمضان تناول الإفطار مع عائلته وتاني يوم تناول الإفطار مع أبنائه.