بعد غلق فرع بلبن.. قصر نابولي يرحب بعمال بلبن للعمل بفروعه بأسيوط

بعد غلق 110 لفروع بلبن، ومنهم فرع بلبن بمحافظة أسيوط، قررت إدارة محلات قصر نابولي بأسيوط، استقبال عمال فرع بلبن للعمل معها.

وقال المسؤول عن فروع نابولي بأسيوط من خلال بيان علي صفحتهم الرسمية علي الفيس بوك: " قصر نابولي بيقولكم "أهلاً وسهلاً" بكل حب واحترام،في ظل الظروف الصعبة اللي بيمر بيها زملائنا في بلبن – أسيوط،

إحنا في قصر نابولي فاتحين الباب لأي حد من موظفين أو عمال بلبن".

مضيفا:" اللي حابب يشتغل معانا ولو لفترة مؤقتة لحد ما ربنا يفرجها،

إحنا مقدّرين المسؤوليات والمصاريف اللي مابتستناش،

وكل اللي بنتمناه إننا نكون سند بسيط وقت ما الدنيا تضيق، وزَيّ ما ربنا قال:

“وتعاونوا على البر والتقوى”

اللي حابب ينضم لينا مؤقتًا، إحنا في استقباله بكل تقدير واحترام 

من فضلك ابعتلنا رسالة وهنتواصل معاك فورا، ربنا يعدي الأزمة دي على خير ونشوفكم دايمًا بخير، إدارة قصر نابولي".

بعد غلق فرع بلبن.. قصر نابولي يرحب بعمال بلبن للعمل بفروعه بأسيوط