كريم فهمي: نجاح فارس أبو العزم كرم من ربنا والفرحة لازم يكون معاها قلق

كشف الفنان كريم فهمي عن مشاعره المتباينة تجاه نجاحه في مسلسل "وتقابل حبيب"، مؤكدًا أنه ظل يشعر بالقلق طوال عرض الحلقات، ولم يطمئن إلا بعد انتهاء الحلقة الأخيرة.

وقال كريم فهمي خلال لقائه مع الإعلامية لميس الحديدي في برنامج "كلمة أخيرة" على شاشة ON: "فضلت طول الوقت قلقان.. رغم النجاح مع تصاعد الحلقات ، ومقدرتش أستمتع فعلاً إلا لما خلصت الحلقة 30 علشان ابقى مطمن".

وأوضح “فهمي” أنه كان يعمل على مشروع درامي آخر، لكنه قرر التوقف عنه مؤقتًا للتركيز على شخصية "فارس أبو العزم" في "وتقابل حبيب"، مضيفًا:"رجعت بعد كده أكمل المسلسل التاني وأنا بقول لنفسي: لازم أشتغل ضعف المجهود عشان أحافظ على النجاح اللي حققته.. وده ممكن يكون السبب إن خطواتي أبطأ من غيري شوية".

ورداً على سؤال لميس الحديدي حول إذا ما كان يستمتع بنجاحه، قال كريم: “النجاح لحظة وخلاص.. بحمد ربنا كتير، لأنه إداني أكتر من تعبي. أنا اشتغلت وتعبت، بس اللي حصل ده كرم من ربنا مش شطارة مني، وكان ممكن مفيش حاجة تنجح خالص”.

واختتم حديثه بتعبير عن فلسفته الشخصية في التعامل مع النجاح: “دائمًا بقول لنفسي: الحمد لله، انت ناجح.. اسكت بقى واشتغل على اللي جاي.. النجاح بييجي بقلق لأن اللي جاي لازم يكون أحسن”.