عمرو أديب، الدنيا كلها بتلف عشان فوز الأهلي.. فين المنافسة؟!

رغم أن فوز الأهلي بلقب الدوري المصري لم يُحسم رسميًا حتى الآن، فإن الإعلامي عمرو أديب يرى أن كل المعطيات الحالية تصبّ في مصلحة القلعة الحمراء، مؤكّدًا بسخريته المعتادة أن "الدنيا كلها بتلف علشان الأهلي".

قال أديب خلال برنامجه: "يطيب لي أن أتوجه بالتهنئة للنادي الأهلي على الفوز بالدوري المصري هذا العام، حتى لو لسه الدوري مخلصش، بس كله بيخدم على الأهلي".

وأضاف متهكمًا: "حتى فاركو بيلعب عشان الأهلي يكسب، وكل الأندية بتخاف من جمهوره، لأنه الأكثر تأثيرًا والأغنى مالًا، والبقاء دلوقتي للأغنى".

تحدّث أديب عن بعض القرارات المثيرة للجدل في البطولة، قائلًا: "تخيل الخميس الجاي يخصموا من الأهلي 3 نقاط؟ دا يبقى حصل زلزال! دا خصموا في يوم ورجعوا تاني يوم، هو الأهلي انسحب؟.

وتابع منتقدًا بعض التصريحات التي تطالب بإعادة المباريات: "يقولك نعيد الماتش! الرابطة قالت ممكن نعيد لو حابين، إيه دا؟ فين؟".

سخر عمرو أديب من وضع نادي  الزمالك الذي يشجعه، ، قائلًا: "النادي التعيس اللي بشجعه بقى نادي هندي، بيتظلم ويتغلب ومش قادرين يدفعوا مرتبات، ولا اللاعيبة بتاخد فلوسها، وزيزو لوحده في النادي".

وتابع بتهكم لاذع: "خدوا أحمد مصطفى زيزو، فليذهب زيزو إلى الأهلي! إمام عاشور أحسن منه 100مرة، والشعب كله يبقى أهلاوي".

رغم عدم حسم اللقب رسميًا، إلا أن أديب أكمل سيناريو التتويج قائلًا: "يفوز الأهلي بالدوري، وياخد الكأس، وأفريقيا، وكأس العالم للأندية، ربنا يبارك لكم!".

ثم ختم ساخرًا: "شعري كان كستنائي ووقع من الأهلي، مفيش حد عنده حظ الأهلي، الدنيا كلها بتتظبط علشانه، هو الكورة دي مش بتاعته؟".

اختتم أديب حديثه بإشارة لحالة سوق الانتقالات قائلاً: "وصلنا لمرحلة إن لعيبة في مصر بيتصور لهم شنط فلوس علشان يمشوا من الأندية بتاعتهم!".

وتابع: "بعد ما الأهلي ياخد كل البطولات.. بيعملوا بيهم إيه؟ فين المنافسة؟".