كندة علوش: دوري في إخواتي مغامرة ومكنتش عايزة أخذل المخرج ولا يندم إنه اختارني
الثلاثاء، 06 مايو 2025 11:17 م
كندة علوش
نور الشايب
اعتبرت الفنانة كندة علوش أن مشاركتها في مسلسل إخواتي، الذي عُرض في الموسم الرمضاني الماضي، من خلال شخصية "ناهد"، كانت مغامرة حقيقية من المخرج محمد شاكر خضير في إختيارها للدور وقالت خلال لقائها مع الإعلامية لميس الحديدي في برنامج كلمة أخيرة على قناة ON:"مش أي مخرج وهو بيقرأ الورق ممكن يختار (كندة) في الدور ده، لأنه مش شبه الأدوار اللي قدمتها قبل كده أو اتعرضت عليّ."
وتابعت:"لما المخرج عرض علي شخصية (ناهد)، قلت له: إيه الزاوية اللي شفتها فيّ خلتك ترشحني للدور ده؟ قال لي: أنا عارف إنك تقدري، وإن عندك (حتة) ممكن تطلعي منها ناهد. وصحيح هو ماكنش واثق 100%، لكن أعتبرها مغامرة خضناها سوا، وده خلاني أحس بمسؤولية كبيرة".
وأضافت:"طول الوقت وأنا بشتغل على الدور، كان جوايا صوت داخلي بيقول لي: مش عايزة أخذل المخرج، ولا عايزاه يندم إنه اختارني".
وأشارت كندة إلى أن هذا الدور كان تحديًا وضعها فيه المخرج، وقالت:"كنت حابة أثبت لنفسي إني قدّ التحدي، خصوصًا إني راجعة بعد فترة غياب عن الشاشة، وكنت حابة تبقى العودة بدور يترك أثر ويحقق صدى كويس".
واختتمت حديثها قائلة:"كل التفاصيل دي، إلى جانب إعجابي الكبير بالسيناريو والعمل مع نجمات كبار، كانت مهمة، لكن الإحساس الأكبر اللي فضل جوايا طول الوقت هو: مش عايزة أخذل أستاذ محمد شاكر خضير."
نسخ الرابط للمقال
آخبار تهمك
التوكل على الله، مفتاح الرضا والنجاح في الدنيا والآخرة
04 مارس 2025 12:41 ص
الأكثر قراءة
-
الشيخ خالد حسن يكتب.. وَلِتُكْمِلُوا الْعِدَّةَ وَلِتُكَبِّرُوا اللَّهَ عَلَى مَا هَدَاكُمْ
-
النائب محمد مصطفى كشر: جولة الرئيس السيسي الخليجية تعزز التضامن العربي وتؤكد ثوابت مصر في دعم الأشقاء
-
نائب رئيس حزب المؤتمر: جولة الرئيس السيسي تعكس دبلوماسية الفعل وقدرة مصر على التحرك في اللحظات الحرجة
-
النائب محمد سليم: كلمة الرئيس وضحت أثر التحديات الإقليمية على الاقتصاد.. وتؤكد وضع المواطن في صدارة أولوياته
-
النائب محمد مصطفى كشر: رسائل الرئيس السيسي في إفطار القوات المسلحة تؤكد جاهزية الدولة لمواجهة التحديات
من تتوقع أن يفوز ببطولة السوبر المصري؟
-
الأهلي
-
الزمالك
أكثر الكلمات انتشاراً