نجل راندا البحيري يوجه رسالة مؤثرة: "والدتي تتعرض للظلم والتهديد يوميًا"

وجه ياسين الأشروبي، نجل الفنانة راندا البحيري، رسالة مؤثرة عبر حسابه الشخصي على موقع "فيسبوك"، تحدث فيها عن الظلم والتهديدات التي تتعرض لها والدته بشكل يومي، مشيرًا إلى أنه أيضًا يعاني من الظلم على يد شخص لم يذكر اسمه.

وقال ياسين في رسالته: "أنا ياسين الأشروبي، أيام إن شاء الله وهتم ال 15 سنة، شاب مصري من حي الجيزة، مواليد ميدان التحرير وسط البلد، عشت واتربيت في وسط البلد والجيزة، وليا أصحاب في مصر كلها، ابن الفنانة والأم الجميلة راندا البحيري وأنا كلي فخر إني ابنها".

وأضاف: "أنا كل اللي عايز أقوله حاليا إني مش هسيب ماما في اللي هي فيه، وفي الُظلم اللي هي بتتظلمه يوميًا، أنا اتظلمت كتير وكلكم عارفين من مين، وهي كمان اتظلمت كتير أوي، ودايما كانت هي بتصدر الوش المبسوط وانها مش متضايقه وكده".

وتابع: "إنما كانت بتعاني من حاجات كتير ومن مضايقات، وكانت بتتتهدد وكان بيحصل معاها حاجات كتير وحشة أي حد مكانش يتحملها".

واختتم ياسين رسالته بكلمات مليئة بالحب والدعاء: "ربنا يخليكي ليا يا ماما ودايما تكوني في أحسن حال، وربنا ما يحرمنا من بعض أبدًا".