طارق يحيى ينتقد زيزو: "عيب تشكو نادي الزمالك.. والجمهور هو اللي صنعك"
الأربعاء، 07 مايو 2025 02:50 م
أحمد سيد زيزو
محمد عاطف
شن طارق يحيى، نجم نادي الزمالك السابق، هجومًا لاذعًا على أحمد سيد زيزو، لاعب الفريق الأول لكرة القدم بالنادي، على خلفية الأحداث الأخيرة التي تصدرت المشهد، خاصة تغيب اللاعب عن تدريبات الفريق.
وقال طارق يحيى خلال تصريحات تلفزيونية عبر شاشة "MBC مصر": "زيزو نزل المران الأسبوع ده، طب ما كان من الأول، وتعليقي على أزمة زيزو، في جزء كبير للإدارة أنهم سابوا زيزو من غير تجديد حتى الاقتراب من انتهاء عقده".
وأضاف: "مينفعش أسيب اللاعب هو اللي يمسكني من رقبتي ويبقى متحكم، والنقطة التانية هي عدم الوضوح من زيزو، إنه بيقول للناس مامضيتش، وبعدين نتفاجئ كلنا إنه راح السفارة الأمريكية بيطلع تأشيرة".
واستكمل: "للأسف الخطوة بتاعت ذهابه للسفارة قبل مباراة مهمة ومصيرية بيوم واحد، خانه التوفيق فيها، خاصة توقيت دخوله مع توقيت استخراج الأهلي تأشيرات السفر".
وتساءل طارق يحيى ساخرًا: "الامتناع عن الجمهور خوفًا من الجمهور؟! جمهور مين ياعم؟! خايف من مين؟! من الجمهور اللي عملك واللي خلاك تبدع وتروح منتخب مصر؟".
وتابع: "اللي بيقوله ده تهريج وحجج فاضية، وعدم الوضوح من البداية أدى لهذا الكلام، وكمان رايح يشتكي نادي الزمالك اللي ليه فضل عليك وعلى كل من ينتمني إليه".
وأكد طارق يحيى: "أنا عارف أخلاقيات زيزو، واللي ساقه في القصة دي مش هو وأنا متأكد من ده، أنا مرنته وعارفه كويس، وعيب جدًا يقدم شكوى في نادي الزمالك لأي سبب من الأسباب، دي مش دماغك ده حد ورطك إنك تغلط في ناديك وزمايلك".
وأضاف: "إحنا وصلنا لمرحلة إن اللاعب أو والد اللاعب بيشترط رحيل مجلس إدارة نادي الزمالك عشان يجدد، لأي يا سيدي بالسلامة مش عايزينك".
واختتم حديثه قائلًا: "لا لوم على النادي الأهلي إنه تدخل في مفاوضات إن صدقت الأنباء المتداولة، مينفعش يبقى قدامي لعيب زي زيزو ومخلصوش طالما متاح".
نسخ الرابط للمقال
آخبار تهمك
التوكل على الله، مفتاح الرضا والنجاح في الدنيا والآخرة
04 مارس 2025 12:41 ص
الأكثر قراءة
-
رسالة ماجستير بجامعة الزقازيق حول تأثير الدعم الاجتماعي على ومواجهة الشائعات
-
حزب المحافظين يعلن إجراء أول تصويت إلكتروني لانتخاب المكتب السياسي بمشاركة 18 مرشحًا 4 مايو 2026
-
النائب رجائي عزت: توجيهات الرئيس السيسي تعيد ضبط الأسواق وتواجه الاحتكار بحسم
-
النائب عادل اللمعي يطالب بربط المعاشات بمعدلات التضخم لحماية دخول أصحابها من التآكل
-
النائب عادل اللمعي: مشروع قانون الإدارة المحلية بصيغته الحالية “متقادم دستوريًا” وغياب الأدوات الرقابية يفرغه من مضمونه
ما توقعاتك لنتيجة مباراة منتخب مصر والسعودية الودية؟
-
فوز منتخب مصر
-
فوز منتخب السعودية
-
تعادل الفريقين
أكثر الكلمات انتشاراً