كيف تتعامل المرأة مع الرجل؟.. أستاذ طب نفسي تجيب

قالت الدكتورة شيماء عرفة، أستاذ الطب النفسي بجامعة الأزهر، إن من أكبر أسباب الخلافات بين الأزواج هو عدم فهم طبيعة الفروق النفسية بين الرجل والمرأة، مؤكدة أن "التقبل" هو الأساس الأول في أي علاقة ناجحة سواء زوجية أو حتى صداقة.

وأضافت أستاذ الطب النفسي بجامعة الأزهر، خلال حوار مع الإعلامية مروة شتلة، ببرنامج "البيت"، المذاع على قناة الناس، اليوم الأربعاء: "كل واحد فينا ليه طريقة مختلفة في التعبير، ومش لازم نكون شبه بعض عشان نكمل بعض.. المهم نفهم ونتقبل بعض.. الراجل لما بيغضب بيروح يقعد في ركنه ساكت، لكن الست لما بتغضب بتحس إنها مش مسموعة فبتعلي صوتها، وتزعق وتظهر غضبها بشكل مباشر".

وأشارت إلى أن "الراجل بيفكر بشكل داخلي وبيحب يحل مشكلته الأول مع نفسه، وده مش معناه إنه بيخبي، لكن هو لسه بيفكر ومش جاهز للكلام، والست بتفكر بصوت عالي، وبتحكي التفاصيل عشان ترتاح، لكن الراجل ممكن يلخص كل حاجة في جملة واحدة، من غير تفاصيل كتير".

وأكدت أن "الست مش دايمًا بتدور على حل، لكن محتاجة حد يسمعها ويتعاطف معاها، وأنا ممكن أحكي المشكلة 10 مرات، بس عايزة حد يسمعني كل مرة بنفس الاهتمام، من غير ما يقطعني ويقترح حل".

واقتراحت لتحسين التواصل داخل البيت، وهو إن "كل أفراد الأسرة يتجمعوا على الأقل في وجبة واحدة في اليوم، وكل واحد فيهم ياخد 5 دقايق يعبر فيهم عن اللي حاسس بيه، سواء كان حاجة لطيفة، نكتة، أو حتى مشكلة، عشان يحصل تواصل حقيقي ونرجع نحس ببعض بعيدًا عن التليفونات والشاشات".