إمام عاشور: الخطيب كلمني 3 مرات ونفسي يكلمني تاني وبسمع كلامه واحتفال البالونة لبنتي

تحدث إمام عاشور لاعب الفريق الأول لكرة القدم بالنادي الأهلي، عن علاقته مع محمود الخطيب رئيس النادي، مشيرًا إلى أنه يحمل الكثير من الاحترام له ويقدره.

وتابع عاشور خلال برنامج "الكورة مع فائق": "كلمت كابتن الخطيب 3 مرات وأول اتصال قالي أوعى تعادي جمهور الزمالك".

وأضاف: "الكابتن محمود الخطيب نضيف أوي، وطريقة كلامه مع اللاعبين واضحة، مش عاوز منك غير إنك تدي للنادي 100%، وده طبيعي لأي لاعب".

وتابع: "الكابتن الخطيب داعم لكل الفريق، واتكلم معايا 3 مرات بس خلال سنتين، ونفسي يتكلم معايا أكتر".

واستطرد: "أول مرة كلمني في الموبايل وقال لي: "أنا كابتن الخطيب، عامِل إيه؟ مبروك، وكن قد التحدي، ولينا مقابلة.' وروحت النادي وقابلته، وقال لي: 'متعادِيش جمهور الزمالك، وركز في شغلك ومبارياتك، ومستنين منك مستوى كويس".

وعن احتفاله بالبالونة البيضاء اختتم: "والله احتفالي بالبالونة كانت لبنتي ومكنتش أي إساءة لأي حد ولا عاوز أضايق حد، أنا شغلي وتمريني وماتشاتي ومكنش في نيتي أقلل من أي حد
أنا بحترم كابتن الخطيب وبسمع كلامه".