إمام عاشور بعد إصابته: "قدر ربنا ولازم نرضى بيه.. وسأعود أقوى بدعمكم"

وجه إمام عاشور، لاعب النادي الأهلي، رسالة مؤثرة لجماهير القلعة الحمراء بعد تعرضه لإصابة قوية خلال مشاركته في أولى لحظاته بكأس العالم للأندية، مؤكدًا خضوعه لعملية جراحية خلال الساعات المقبلة.

وقال عاشور في منشور عبر حسابه الرسمي: "الحمد لله على كل شيء.. الإصابة كانت صعبة وجت في أول لحظات ليا في البطولة، وده قدر ربنا ولازم نرضى بيه."

وأضاف: "كان نفسي أكون موجود وأقاتل مع إخواتي في الملعب، بس دا نصيبي، وإن شاء الله أرجع أقوى. الإحساس اللي جوايا مش سهل، بس اللي مخليني ثابت هو إيماني بدعمكم ودعواتكم."

وطالب عاشور جماهير الأهلي بالاستمرار في دعم اللاعبين في هذه المرحلة المهمة، قائلًا:"المرحلة دي محتاجة منكم تبقوا ورا كل لاعب في الفريق، سواء قديم أو جديد، صدقوني دعمكم بيفرق جدًا، واللاعيبة مستنياكم زي ما دايمًا واقفين في ضهرنا."

وكان النادي الأهلي قد أعلن في وقت سابق تعرض اللاعب لكسر في الترقوة يستلزم تدخلًا جراحيًا، ما يعني غيابه عن باقي منافسات البطولة.