سعد سمير يوجه رسالة قوية لـ تريزيجية "الي حصل دا مش شخصيته.. ودي نقطة حماس"

وجه سعد سمير لاعب الاهلي السابق وسيراميكا كليوباترا الحالي، نصيحة شديدة اللهجة الي لاعب الأهلي محمود حسن تريزيجية، بعد أزمة إهدار ركلة الجزاء امام أنتر ميامي الأمريكي ضمن منافسات كأس العالم للأندية 2025، وقد سبق وقرر الاهلي توقيع عقوبة مالية على اللاعب قدرها مليون جنية، لمخالفته تعليمات الجهاز الفني.

وقال سعد  سمير، فى تصريحات تلفزيونية عبر برنامج "اللعيب" : "في البدايه كلنا فخورين بالنادي الأهلي انه موجود في امريكا فى بطولة كأس العالم للأندية ووجود الأهلي كممثل عن أفريقيا حاجه تشرفنا وتفرحنا، الفريق عمل شوط حلو جدا ومباراة مهمه اوي، واللعيب الوحيد انك لازم تجيب جول".

وتابع سمير حديثه قائلاً:  "بدنيا مكناش أحسن في الشوط التاني ودا طبيعي درس نتعلم منه الفتره الجايه أن الفرصة اللى تجيلك لازم تستغلها والنقطه التانيه انك جبت كوكبه من النجوم عشان يتألقوا خلال البطولة دى وعشان الحدث يستاهل".

وأضاف:  " نقطة تريزيجية انه كابتن وشخص كبير ولعيب محترم والتصرف الي حصل دا مش شخصيته، هي دى نقطة حماس وفخ اللاعيبة ممكن تقع فيه "

وأكمل: "مش مطلوب منك تبين دا انك نجم وحاجه كبيره، كل الناس عارفين إنك مميز والنادي الاهلي جايبك عشان تساعد المجموعه مش العكس".