بسبب قانون الإيجار الجديد، نبيلة عبيد: مش عارفة أخد حاجتي وأروح فين

 عبرت الفنانة نبيلة عبيد خلال مداخلة هاتفية ببرنامج "الستات" الذي يعرض على قناة الحياة، عن خوفها الشديد لضياع شقتها القديمة، بعد تهديدها بالإخلاء بسبب قانون الإيجار الجديد.

وقالت نبيلة عبيد: "الشقة دي مش بس أربع حيطان، دي فيها عمري، فيها كل أفلامي، وكل لحظة حلوة عشتها من أيام رابعة العدوية لحد أخر مشهد صورته".

وأضافت: "أنا لما بفتح باب الشقة، بحس كأني داخلة حضن أمي بشم ريحتها، وبشم ريحتي أنا كمان دي الشقة اللي فيها صوري وهدومي وكل تفصيلة تخصني مش عايزة حاجة من حد، بس نفسي أفضل فيها".

وتابعت: "أنا لا اتجوزت، ولا عندي أولاد كل ما أملك في الدنيا موجود في المكان ده لو اتاخد مني، هلاقي صوري وحاجتي مرمية على الرصيف".

واختتمت حديثها قائلة: "مش عارفة أخد حاجتي واروّح فين هي دي حياتي".