أحمد فلوكس يدعو جمهوره لختمة قرآن: أنا لا شيخ ولا متدين

دعا الفنان أحمد فلوكس جمهوره للمشاركة في ختمة قرآن، الليلة الساعة 12، مشيرًا إلى أن ذلك بنية فك الكرب وجلاء الهم والغم، خاصة في ظل الأزمات التي تشهدها مصر من حرائق ومصائب.
 

وقال أحمد فلوكس: “في ختمة قرآن النهارده إن شاء الله هتبدأ الساعة 12 اللي حابب يشارك يسيب اسمه في الكومنتات وعلى الساعة 11 ونصف سيتم إرسال الجزء الخاص به للقراءة ..بنية فك الكرب وجلاء الهم والغم والحزن عن أمه محمد وعنا وعن أهالينا ويشفي كل مريض ويرحم كل متوفي ويشرح صدورنا ويصلح أحوالنا وشأننا وويجبر خواطرنا ويوسع أرزاقنا ويرزقنا الرضا والبركة والفلاح والسكينة والطمأنينة والرحمة”.

وأضاف أحمد فلوكس: “يا رب يعافي كل مسحور ومحسود وممسوس وأن  يغفر الله لأمة محمد ولأهالينا الأحياء منهم والأموات ولنا ويستر أمة محمد فوق الأرض وتحت الأرض ويوم العرض، ويفتح الأبواب المغلقة علينا جميعا ويفك جميع العقد وييسير الحال ويبعد الحزن والألم والوجع والأسقام والأمراض وسوء الأخلاق وفواجع الأقدار وشتات الأمور والغفلة، وأن يخرجنا من الظلمات إلى النور وينصرنا ويحفظنا ويحفظ أولادنا ووالدينا وبلدنا وأولي الأمر وجيشنا وشركتنا ورئيسنا واتحادنا ويرزقنا ويحفظ مصر من أقدار النار وجهنم و يحفظ شعبها ويرزقنا الجنة جميعا يا رب”.
 

أحمد فلوكس: أنا بحاول أقرب من ربنا

وأكد أحمد فلوكس أنه ليس شيخ أو يدعي التدين وغيرها من الأمور، موضحًا: “أنا ولا شيخ ولا متدين، ولا أنتمي لأي فكر، بحاول أكون قريب من ربنا، على قدر ما أقدر، وبجاهد نفسي، ومحدش يقول استشيخ ولا أدروش، ولا سلفي ولا إخواني ولا صوفي ولا شيعي، أنا بحاول أقرب من ربنا، مش تحت أي مسمى تاني بنزل وبسمع مزيكا وبقابل صحابي عادي".

وأضاف فلوكس: "إحنا شايفين الحرايق والحاجات اللي بتمر بيها البلد، وناس في ابتلاءات وكرب وضيقة وزعل واللي عندها مشاكل وابتلائات ومرض، بنعمل ختمات قرآن كل يوم الساعة 12، اللي حابب يشارك يبعت لنا، بنية فك الكرب، واللي مسحور ربنا يرفع عنه، ويرفع الابتلاء عن بلدنا، ويخرجنا من الظلمات للنور، ويرفع غضبه علينا لأنا ده غضب أكيد”.

واختتم: "فيه ناس أكيد كويسة وزي حالتنا وعاوزين يقربوا من ربنا، أنا شايف أي حد بيقع في مشكلة، مش لازم نجلده ونتكلم عنه ونكتب عنه، ده غلط وهنتحاسب عليه، لكن دورنا إننا نستوعبه ونسامحه، ونساعده يكون كويس ونستوعب ليه عمل كده، إحنا لم نخلق حتى نحاكم بعضنا لبعض".