مدحت العدل يعبر عن رأيه في المهرجانات: طالما مفيش إسفاف إيه المشكلة

عبر السيناريست مدحت العدل خلال لقائه مع "عرب وود"، عن رأيه في أغاني المهرجانات التي انتشرت خلال السنوات الأخيرة بشكل كبير، ويعترض البعض على وجودها.

وقال مدحت العدل: "لما بلاقي حاجة حلوة بسمعها أنا مش ضد أي نوع من أنواع الفن، بحب الأغاني الشعبية مش عايز أقول أسماء بس أنا كنت بحب بنت الجيران وعم المجال".

وأضاف" العدل": "أنا لما بروح كل الأفراح بلاقي الأغاني دي شغاله، وبحب أغاني منها وإحنا شعبيين يعني طالما مفيش إسفاف في الكلام إيه المشكلة أن الناس تحب أغاني من دي".

وفي نفس السياق تحدث مدحت العدل عن أحدث ألبومات عمرو دياب "ابتدينا" وتعاونه معه في أغنية قائلاً: "كل أغاني الألبوم حلوة بس أنا شدتني أوي أغنية خطفوني، أنا بحب أبقى موجود مع عمرو دياب وفي بينا مشروع، مش مهم اني أعمله أغاني جديدة دلوقتي أو بعدين، المهم في الآخر في حد بيملى حياتنا بالبهجة والناس بتسمعه والراجل قاعد بقاله كتير مش عايز أقر عليه، وكل الأجيال بتسمعه ودا انتصار لجيلي".

الجدير بالذكر أن النجم عمرو دياب طرح أحدث أعماله الغنائية والتي تحمل اسم "ابتدينا" خلال شهر يوليو الجاري، حيث يضم الألبوم 15 أغنية، تعاون فيها مع عدد كبير من الشعراء والملحنين والموزعين.